Obama skep nuwe ondersoekeenheid
2009-08-24 16:47
Washington – President Barack Obama het daadwerklike stappe geneem om ontslae te raak van die Bush-administrasie se beleid oor ondervraging van sogenaamde terroriste deur om 'n nuwe eenheid op die been te bring.
Hy het die ontstaan van ‘n spesiale Withuis-eenheid vir die ondervraging van verdagtes goedgekeur.
Dit volg op prokureur-generaal Eric Holder se versoek om sake te heropen wat handel oor talle gevangenes wat glo mishandel is.
Obama het die skep van ‘n eenheid wat die ondervraging van hoë-profiel aangehoudenes sal behartig goedgekeur, het ‘n senior amptenaar in die Withuis gesê.
Die program is nog nie amptelik bekendgestel nie.
‘n Ander amptenaar het Maandag gesê dat die CIA die nuwe eenheid verwelkom en gesê dat hulle nie mense vir ‘n lang tyd wil aanhou nie.
- AP