Obama kan wapenbeperkings instel – premier

2012-12-19 12:01

Canberra, Australië – Die voormalige Australiese premier wat privaateienaarskap van sekere vuurwapens verbied het, het gesê pres. Barack Obama sal suksesvol wees indien hy nuwe vuurwapenbeperkings in die Verenigde State instel.

John Howard het aan Sydney se The Daily Telegraph gesê Obama sal "verras" wees oor die ondersteuning wat hy van konserwatiewes ontvang het toe hy vuurwapen-wetgewing verskerp het.

Howard het verder gesê dit sal moeilik wees om ondersteuning te kry vir nuwe wette, "maar dit kan gedoen word".

Kieran Walton, Howard se woordvoerder, wou nie kommentaar lewer nie.

Howard het die meeste media-onderhoude geweier sedert 20 leerders en ses onderwysers verlede week by die Sandy Hook-skool in Connecticut doodgeskiet is.

Die voormalige eerste minister het 'n ooreenkoms aangegaan met state en die eienaarskap van semi-outomatiese, met 'n paar uitsonderings, verbied nadat 35 mense in 1996 in Tasmanië doodgeskiet is.

– Volg Nuus24 op Twitter

- Sapa - AP