Obama bel radiostasie
2009-12-23 02:01
Washington – Die Amerikaanse president Barack Obama het Dinsdag die goewerneur van Virginia, Tim Kaine, verras deur in te bel op ‘n radioprogram en homself as Barry van DC te identifiseer.
Kaine, wat in beheer is van die staat net suid van Washington, DC, het deelgeneem aan ‘n maandelikse inbelprogram op WTOP radio.
Dertien minute in die program in het die aanbieder gesê dat die volgende persoon iemand met die naam Barry van DC is.
“Goewerneur Kaine, hierdie is eintlik die president van Amerika wat bel,” het Obama gesê.
“Nee, o my genade,” het Kaine met ‘n lag gesê.
“Ek wil kla oor verkeer in Noord-Virginia,” het Obama gesê.
“Eerder as om nou daaroor in te gaan, wil ek net sê hoe trots ons is op u diens,” het Kaine gesê.
Robert Gibbs, woordvoerder van die Withuis, het verduidelik dat dit die uittredende “goewerneur Kaine se laaste radioprogram” was en dat “indien hy (Obama) homself as Barry van DC geïdentifiseer het, dit was om die goewerneur te verras.”
- Sapa - AFP