Noorweegse familie wen drie keer die lotery
2012-09-25 22:46
Oslo – ‘n Noorweegse familie het binne slegs ‘n paar jaar op drie verskillende geleenthede miljoene euro’s in die lotery gewen.
Tord Oksnes het verlede week op die ouderdom van 19 ‘n miljoenêr geword nadat hy 12,2 miljoen kroner (sowat R17,3 miljoen) in Noorweë se nasionale lotery gewen het, het die koerant Verdens Gang (VG) Dinsdag berig.
Hy het sodoende deel geword van ‘n familietradisie.
Sy 26-jarige suster, Hege Jeanette, het in 2010 8,2 miljoen kroner (sowat R11,7 miljoen) gewen, slegs vier jaar nadat hul 58-jarige pa, Leif, 4,1 miljoen kroner (sowat R5,8 miljoen) in dieselfde lotery gewen het.
Die gelukkige nommers was elke keer getrek wanneer Jeanette swanger was of pas geboorte geskenk het, het VG bygevoeg.
– Volg Nuus24 op Twitter
- Sapa - AFP
