Nóg troepe na Afganistan
2009-10-04 00:46
Londen - Gen. David Richards, die weermag van Brittanje se nuwe bevelvoerder het gesê die Noord-Atlantiese Verdragsorganisasie (Navo ) moet meer troepe na Afganistan toe stuur.
Richards meen internasionale doelstellings sal baie makliker bereik word met meer soldate.
Meer troepe sal ook bydra om die psigologiese stryd teen die Taliban te wen.
Navo moet wys hulle is toegewyd aan die toekoms van die Afgane, het Richards aan The Sunday Telegraph gesê.
Dit blyk dat die generaal vir Gen. Stanley McChrystal, die top Amerikaanse bevelvoerder in Afganistan ondersteun.
McChrystal soek glo tussen sowat 30 000 en 40 000 ekstra troepe om teen die Taliban te veg.
Richards is glo meer as gewillig om meer Britse troepe na Afganistan te stuur indien McChrystal ‘n behoefte daaraan het, het die The Telegraph berig.
- Sapa-AP