Nóg sanksies teen Iran

2013-01-10 09:31

Canberra – Australië het nog sanksies teen Iran ingestel te midde toenemende kommer oor die land se kernprogram.

Bob Carr, Australië se minister van buitelandse sake, het Donderdag in ‘n verklaring gesê dat die nuwe sanksies die finansiële, handels-, energie- en vervoersektore sal beïnvloed.

“Hierdie sanksies sal verdere druk op Iran plaas om met ernstige onderhandelinge oor sy kernprogram te begin,” het Carr gesê.

Hy het bygevoeg dat die nuwe sanksies ooreenstem met dié wat die Europese Unie en ander lande voorgeskryf het.

Iran se olie-uitvoere het die afgelope paar maande met meer as die helfte geval as gevolg van streng sanksies wat teen die land ingestel is.

Die land hou egter vol dat sy kernprogram slegs vir vreedsame doeleindes is.

– Volg Nuus24 op Twitter

- Sapa - AP