Nóg reën in Pakistan: duisende vlug

2010-08-06 00:14

'n Oorlewende van die vloede in Pakistan sit by wat oorgebly het van sy huis in die Azakhel-kamp naby Nowshera. Foto: AFP

Duisende mense is aan’t vlug nadat nuwe vloede in die noordweste van Pakistan ontstaan het met reën wat deur die nag geval het, berig Sky News.

Reën het gedurende die nag in die provinsies van Punjab en Sindh geval. Dit laat vrese ontstaan dat die vloede oor die naweek verder Suid kan versprei.

Kot Addu, in die suide van Punjab, is in hierdie stadium meer van ‘n meer as ‘n dorp.

Amerika het ses helikopters gestuur om verligting aan die inwoners te bring.

Die internasionale organisasie Dokters Sonder Grense sê die situasie is veel erger as wat vroeër geskat is.

Luidens VN-statistieke is meer as 3 miljoen mense reeds deur die vloed geraak. Die dodetal word op 1 500 geskat.

Lees die volledige berig hier.