Nóg 'n missielaanval op Pakistan

2011-06-09 08:35

Pesjawar – Altesaam 23 vermeende Islamitiese rebelle is Woensdag in ‘n stamgebied naby die Afgaanse grens deur Amerikaanse missiele gedood.

Pakistanse intelligensiebeamptes sê twee Amerikaanse missiele het ‘n voertuig en ‘n vermeende opleidingsfasiliteit in die aanval getref.

Die nuusagentskap AP het intussen berig dat Taliban-rebelle enkele ure later ‘n beheerpunt geteiken het.

Agt soldate en minstens tien Taliban-lede is dood nadat die rebelle ‘n Pakistanse beheerpunt aangeval het, het ‘n plaaslike veiligheidsbeampte gesê.

AFP berig die voorval het in die wettelose stamgebied gebeur.

Amerika het vandeesweek ‘n totaal van vyf missielaanvalle in Pakistan uitgevoer.

Volg Nuus24 op Twitter.

- SAPA