Nóg 'n Mexikaanse dwelmtonnel gevind

2013-02-06 10:09

Tijuana – ‘n Mexikaanse amptenaar het gesê soldate het op ‘n nuwe tonnel afgekom wat onderdeur dié land se grenslyn met die VSA loop.

Die soldate het Dinsdag 17 mans in hegtenis geneem wat in die tonnel naby die stad Tijuana gewerk het.

Die amptenaar het bygevoeg dat die soldate ook 10 bale dagga by die mans gevind het.

Die tonnel was sowat 10 m diep en 300 m lank.

Amerikaanse en Mexikaanse amptenare het in dei afgelope jaar heelwat soortgelyke tonnels ontdek. Die tonnels word meestal gebruik om dwelms van Mexiko na die VSA te smokkel.

– Volg Nuus24 op Twitter 
 

- Sapa - AP