Nóg bomme teister woonbuurte in Bagdad
2010-04-06 14:20
Bagdad - Minstens 15 mense het gesterf en sowat 72 ander is beseer nadat ontploffings by residensiële geboue regoor Bagdad plaasgevind het.
Die dodetal sal na verwagting nog toeneem, het plaaslike owerhede gesê.
Maj. Gen. Qassim al-Mousawi, ‘n woordvoerder van die stad se bevelsentrum het gesê die ontploffings het woonstelgeboue in drie woonbuurte inmekaar laat tuimel.
Minstens een ontploffing het in sentraal-Bagdad naby die ministerie van kultuur se hoofkwartiere plaasgevind.
Dié ontploffings vind slegs twee dae nadat buitelandse ambassades in Bagdad deur selfmoordbomaanvallers geteiken is, plaas.
Sowat 40 mense het gedurende daardie aanvalle gesterf.
-Sapa-AFP