Nie-gelowige dokters ‘laat dood vinniger kom’
2010-08-27 01:32
Londen - Die kans dat dokters wat ateïsties of agnosties is besluite sal maak wat ‘n terminaal siek pasiënt se lewe kan beëindig, is dubbel so groot as by dokters wat baie gelowig is, sê ‘n nuwe studie wat in Brittanje uitgevoer is.
Dr. Clive Seale, ‘n professor by Barts en die Londen Mediese- en Tandheelkunde-skool, het ‘n lukrake pos-opname gedoen onder meer as 3 700 dokters in Brittanje, van wie 2 923 terugvoer gegee het oor hoe hulle hul laaste terminaal siek pasiënt behandel het.
Baie van die dokters was neuroloë en dokters wat spesialiseer in die omsien na bejaardes. Ander spesialiste, soos gesinsdokters, is egter ook ingesluit.
Dokters wat hulself as “besonder” of “baie nie-gelowig” beskryf het, sou byna twee keer meer waarskynlik besluite geneem het soos om met volgehoude diep sedasie, wat ‘n pasiënt se dood kan bespoedig, voort te gaan.
Seale het ook gevind dat dokters wat gelowig is, baie minder waarskynlik met hul pasiënte oor lewensbeëindiging-behandeling te praat.
Volgens die Britse Mediese Vereniging se riglyne mag dokters nie toelaat dat hul geloofsbeginsels inmeng met die behandeling van hul pasiënte nie.
- Volg Nuus24 op Twitter
- Sapa - AP