Nie Banon óf Strauss-Kahn wyk van hul stories
2011-09-29 17:34
Parys – Die voormalige IMF-hoof Dominique
Strauss-Kahn en sy aanklaer, Tristane Banon, het ‘n ontmoeting van twee ure by
‘n polisiekantoor in Parys gehad.
Geen prokureurs was teenwoordig nie,
maar die polisie het wel ‘n wakende oog gehou.
Banon, ‘n 32-jarige skrywer, beskuldig
Strauss-Kahn daarvan dat hy haar in 2003 probeer verkrag het toe sy as
joernalis ‘n onderhoud met hom wou voer.
“Dominique
Strauss-Kahn het by sy weergawe van die voorval gehou, so ook Banon,” het Henri
Lecler, een van Strauss-Kahn se prokureurs, ná die ontmoeting gesê.
Banon het geweier om kommentaar te lewer.
Na aanleiding van ‘n polisie-ondersoek sal aanklaers
besluit of ‘n klag teen Strauss-Kahn aanhanging gemaak moet word.
‘n Ontmoeting van dié aard is ‘n algemene
praktyk in die Franse regstelsel, indien twee mense verskillende weergawes van ‘n
spesifieke voorval het.
Volg Nuus24 op Twitter.
- Sapa - AFP