Nepal: Soektog na klimmers afgelas
2012-09-26 12:34
Katmandoe – Nepalese reddingswerkers het gesê hulle gaan die soektog na drie klimmers wat vermis is aflas na ‘n sneeustorting hul tente in Nepal op die berg Manaslu meegesleur het.
Die polisie het intussen erken hulle het die dodetal misreken.
Twee Franse bergklimmers en 'n Kanadees is steeds vermis nadat hul groep vroeg Sondag deur 'n sneeustorting op die berg Manaslu getref is.
Die polisie het aanvanklik gesê nege mense is dood, maar het Woensdag die dodetal op agt geplaas en bekendgemaak dat vier Franse burgers, 'n Spanjaard, 'n Duister, 'n Italianer en 'n Nepalese gids dood is.
"Ons het vandag voortgegaan met die reddingsoperasie, maar het nog nie enige van die vermistes gevind nie. Ons sal tot môre voortgaan, maar daar is 'n baie geringe kans dat ons hulle gaan vind," het Basanta Bahadur Kunwar, distrikspolisiehoof, aan AFP gesê.
Volgens kenners het klimmers wat in 'n sneeustorting begrawe word 20 minute om uitgegrawe te word anders sterf hulle weens hipotermie of versmoring.
Die polisie vrees ook dat die vermistes dalk in 'n diep skeur beland het, wat beteken dat hul lyke dalk nooit gevind mag word nie.
– Volg Nuus24 op Twitter.
- Sapa - AFP
