Neil Armstrong, eerste man op die maan, sterf

2012-08-25 21:24

VSA – Neil Armstrong, die eerste man wat op die maan geloop het, is Saterdag dood, het NBCNEWS.com Saterdag berig.

Armstrong se dood volg ‘n paar weke nadat hy ‘n hartoperasie gehad het en slegs ‘n paar dae ná sy 82ste verjaardag.

Hy was die bevelvoerder van die Apollo 11 ruimtetuig en het op 20 Julie 1969 op die maan geland.

Hy het vir byna drie ure saam met sy mede-ruimtevaarder Edwin “Buzz” Aldrin op die maan geloop.

Armstrong en sy vrou Carol het in 1999 getrou en in die woonbuurt Indian Hill in Cincinnati gewoon. Hulle het in onlangse jare meestal uit die publieke oog gebly.

– Lees meer hier.

– Volg Nuus24 op Twitter