Nege tieners aangekla ná leerling selfmoord pleeg
2010-03-31 11:45
New York – Aanklaers in Massachusetts het nege tieners aangekla nadat hulle ‘n jong Ierse immigrant geboelie het en sy later as gevolg daarvan selfmoord gepleeg het.
Ouers in South Hadley sukkel om dié tragedie te verwerk.
Leerlinge is aangekla daarvan dat hulle Phoebe Prince (15) aanhoudend geboelie het tot sy selfmoord gepleeg het.
Aanklaers meen ook dat onderwysers te bang was om betrokke te raak.
'n Totaal van nege leerlinge is van verskillende misdade aangekla. Dit sluit teistering en statutêre verkragting in.
Dié boelies het volgens Elizabeth Scheibel, ‘n prokureur, Prince se laaste dag op dié aarde ‘n marteling gemaak.
"Sy is verbaal mishandel en ook gedreig met fisiese aanranding. Dié voorvalle was nie 'n uitsondering nie. Sy is vir sowat drie maande lank geteister en gedreig,” het Scheibel gesê.
Prince het verlede jaar van County Clare in Ierland na die VSA geëmigreer. Sy het haarself op 14 Januarie vanjaar gehang.
- Sapa