Nederlandse troepe onttrek uit Afganistan

2010-08-01 21:02

Den Haag – Nederland het Sondag begin met sy eerste fase om troepe uit Afganistan te onttrek, het die minister van buitelandse sake in Den Haag gesê.

Dít kom nadat Nederland vir sowat vier jaar reeds aktief betrokke was in die konflik in Afganistan.

Nederlandse soldate het hul Kamp Holland-militêre basis in die suide van die land aan Amerikaanse en Australiese soldate oorhandig nadat hulle vir die Uruzgan-streek verantwoordelik was.

Volgens sommige bronne het die Taliban, Nederland geluk gewens met hul besluit.

Hierdie drastiese stappe kom ná ‘n kontroversiële Nato-versoek dat Nederland vir 12 ekstra maande in die land moes bly nadat daar besluit is dat hulle in Augustus 2010 sou onttrek.

Sowat 24 Nederlandse soldate is die afgelope vier  jaar in Afganistan dood en 140 is gewond. Sowat 1950 soldate het deel van die operasie uitgemaak.

Volg Nuus24 op Twitter.

- Sapa - AFP