Navo: Lugaanval dood 12 rebelle in Afganistan
2012-08-25 09:38
Asadabad, Afghanistan - Twaalf rebelle, waaronder ’n Pakistanse Taliban-leier, is in twee aparte lugaanvalle in die ooste van Afganistan gedood, het Navo en Afghaanse beamptes Saterdag gesê.
"Ses rebelle is in die lugaanvalle in die provinsie van Kunar dood," het 'n Navo-woordvoerder aan AFP gesê.
Volgens, Sayed Rahman, die hoof van die Kunar-distrik waar die aanvalle plaasgevind het, was meeste van die rebelle lede van die Pakistanse rebellegroep Tehrik-i Taliban. Hul leier, kommandeur Dadulla, is ook gedood, het hy gesê.
"Maulawi Dadullah, ook bekend as Jamal, was verantwoordelik vir die smokkel van wapens sowel as vegter vanuit Pakistan, en ook vir aanvalle teen Afghaanse en koalisiemagte," het Navo gesê.
Dadulla se tweede in bevel, Shakir, is ook in die aanval dood.
Sowat 24 rebelle is verlede week in dieselfde provinsie in Navo-lugaanvalle dood terwyl hulle vir 'n openbare teregstelling bymekaargekom het.
Volg Nuus24 op Twitter.
- AFP
