NZ-aardbewing verwoes paaie, geboue
2010-09-05 03:15
Christchurch – Die aardbewing van 7.1-grootte wat Nieu-Seeland Saterdagoggend getref het, het na bewering geboue inmekaar laat stort, paaie verwoes en ‘n skeur van 3.5m in die aardkors veroorsaak.
Volgens plaaslike owerhede is 500 geboue en sowat 90 ander eiendomme verwoes toe die aardbewing Saterdagoggend omstreeks 04:35 (18:30/Vrydag, SA tyd) plaasgevind het.
Niemand is in die voorval dood nie. Daar is wel twee gevalle aangemeld waar persone ernstige beserings opgedoen het, toe geboue inmekaar begin tuimel het.
Kragtoevoer na die area waar die aardbewing plaasgevind het, is tydelik afgesny. Bob Parker, burgemeester in Christchurch, het plaaslike inwoners gewaarsku dat verskeie naskokke moontlik kan plaasvind.
Volg Nuus24 op Twitter.
- SAPA