N-Korea: 31 dood in vloede

2012-08-01 20:08

Seoel, Suid-Korea – Owerhede in Noord-Korea het gesê talle mense is dood of as vermis aangemeld weens swaar reënval die afgelope week.

Dié aankondiging is Woensdag gemaak, 'n dag na personeel van die Verenigde Nasies die gebiede besoek het om na die skade te kyk en na die behoeftes van vloedslagoffers om te sien.  

Altesaam 88 mense is vroeër weens die reën dood en meer as 60 000 ander is haweloos gelaat.

Die land se amptelike Korean Central-nuusagentskap het gesê dat 31 mense dood is en 16 ander vermis word na swaar reën Sondag en Maandag in die westelike en oostelike kusgebiede geval het. 

– Volg Nuus24 op Twitter.

- Sapa - AP