Musikante se lyke uit waterput getrek

2013-01-30 09:38

Mexiko-stad – Altesaam 14 uit die 17 lyke wat uit 'n waterput in Mexiko gehaal is, is geïdentifiseer as dié van die orkeslede wat verlede week ontvoer is, het 'n beampte gesê.

Jorge Domene, ‘n polisiewoordvoerder, het gesê die polisie sal steeds die put deursoek omdat een lid van die orkes nog vermis word.

Die Jorge Domene-orkes het Vrydag ‘n vertoning in ‘n pakhuis gelewer voor 10 gewapende mans die gebou binnegestorm het en die 18 lede van die orkes, sowel as ander mense, in voertuie in forseer het.

Een van die musikante het ontsnap en die polisie na die put geneem.

Beamptes het nog nie gesê hoe die man daarin geslaag het om van die ontvoerders te ontsnap nie.

Domene het gesê die moontlikheid dat die voorval dwelm-verwant is, word ondersoek.

– Volg Nuus24 op Twitter
 

- Sapa - AP