Murdoch dok op ná afluistery
2012-01-20 08:07
Londen – Rupert Murdoch se mediakoninkryk het gister om verskoning gevra en ingestem om kontantuitbetalings aan 37 mense te maak.
Dit sluit in ’n rolprentster, sokkerspeler, voorste Britse politikus en ’n reeksmoordenaar se seun – wat deur sy koerant News of the World geteister is en wie se foongesprekke hulle afgeluister het.
Die vier – Jude Law, Ashley Cole, en John Prescott en Chris Shipman – is onder die 37 slagoffers wat geldelike skadevergoeding van Murdoch se Britse koerantmaatskappy ontvang het vir onwettige afluistery en ander binnedringing, insluitende om in mense se e-pos rond te snuffel.
Besonderhede van 15 uitbetalings van meer as £640 000 (sowat R7,8 miljard) is Donderdag by ’n openbare hofsitting in die Britse hoofstad bekend gemaak.
– Volg Nuus24 op Twitter
- Sapa - AP