Mubarak in hospitaal ná hy in tronk val

2012-12-20 08:39

Kaïro – Egipte se ontsetelde president, Hosni Mubarak, is Woensdag in 'n militêre hospitaal in Kaïro opgeneem nadat hy in die tronk geval en sy kop en bors beseer het, het 'n sekuriteitsamptenaar Donderdag gesê.

Daar is maande reeds teenstrydige berigte in die media oor die 84-jarige se gesondheid.

Mubarak is in Junie vanjaar 'n lewenslange vonnis opgelê nadat 'n hof beslis het dat hy 'n medepligtige was in die moord op betogers tydens die opstand wat hom velede jaar gedwing het om uit te tree.

Generaal Mohammed Ibrahim, die adjunkminister van binnelandse sake, het gesê Mubarak sal na die tronk terugkeer ná sy behandeling in die hospitaal.

Volg Nuus24 op Twitter.

- SAPA