Motorbom: Rusland rou
2010-09-10 10:20
Wladikafkaz - Vlae hang halfmas in die Russiese stad Wladikafkaz en geskokte inwoners plaas blomme in 'n plein waar 'n selfmoordbommer die lewens van 17 mense geëis en meer as 140 mense gewond het.
Donderdag se bomaanval by ’n groot mark in die Russiese republiek Noord-Ossetië, was die mees tragiese aanval in Rusland sedert die ondergrondse bomme in Moskou wat die lewens van 40 mense geëis het.
Vladimir Selivanov, minister van gesondheid in Noord-Ossetië het gesê 107 mense wat gewond is, is in plaaslike hospitale en 11 mense wat ernstig beseer is, is na Moskou gevlieg.
In Dagestan, nog 'n republiek in die geweldgeteisterde Kaukasië, het beamptes gesê 'n polisieman en 'n bewaarder is in aparte voorvalle doodgeskiet.
Volg Nuus24 op Twitter
- AP