Moslem-vrou verbied om te swem
2009-08-12 14:14
Parys - ‘n Publieke swembad in Parys het geweier om ‘n jong Moslem-vrou toelaat om daar te swem omdat sy 'n ‘burqini’ (‘n swembroek wat meeste van die liggaam bedek) gedra het.
Dit kom terwyl wetgewers in Frankryk besig is om te besluit of die Moslem se burqa uit die land sal verban word. President Nicolas Sarkozy is van mening dat dié kop-tot-toon kledingstuk nie in Frankryk welkom is nie.
Amptenare in Emerainville voorstad van Parys het gesê hulle het die vrou toegelaat om die swembad in Julie vanjaar te gebruik, maar toe sy in Augustus teruggekeer het hulle besluit om vanweë higiëniese redes daarop aan te dring dat sy nie die burqini dra nie.
Die burqini is ontwerp vir vrouens wat nie hulle liggame wil ontbloot wanneer hulle swem nie en lyk baie soos ‘n duikpak, maar met ‘n kappie by.
Werkers by die swembad het die aan die vrou gesê dat een van die reëls vir die gebruik van die swembad is dat mense nie met hulle klere aan mag swem nie.
Volgens die koerant Le Parisien het die Franse-vrou onlangs die geloof van Islam aangeneem en is sy vasberade om die saak hof toe te neem.
"Dit is segregasie en ek sal veg om dit te verander”, het sy aan die koerant gesê.
Volgens die burgermeester het die saak niks met Islam te doen nie en is die burqini nie ‘n Islamitiese kledingstuk nie.
-Sapa