Moltrein-moord: Verdagte lag oor aanklagte

2012-12-31 16:58

New York – ‘n 31-jarige vrou wat daarvan beskuldig word dat sy ‘n immigrant van Indië in New York voor ‘n trein ingestoot het omdat sy geglo het hy is 'n Moslem, sal vir psigiatriese waarneming opgeneem word.

Erika Menendez is Saterdag van moord aangekla ná sy erken het dat sy Sunando Sen op 27 Desember voor 'n trein ingestoot het.

“Daar is geen rede nie. Ek het hom net voor die trein ingestoot omdat ek gedink het dit sal cool wees,” het sy gesê.

Sy het glo ook hard gelag tydens haar hofverskyning – soveel so dat regter Gia Morris haar regsverteenwoordiger beveel het om haar stil te maak.

Aanklaers beweer dat sy die 46-jarige Sen voor die trein ingestoot het omdat sy "Hindoes, Moslems en Egiptenare" vir die terreuraanvalle op 11 September 2001 blameer.

 “Ek het ‘n Msolem voor die trein ingestoot want ek haat Hindoes en Moslems,” het Menendez glo aan die polisie gesê.

Sen, wat glo van Kolkata afkomstig is, was ‘n Hindoe. Hy het glo dekades lank in Queens, New York gewoon.

Menendez moet weer op 14 Januarie in die hof verskyn.

– Volg Nuus24 op Twitter  



 

- Sapa - AP