Model skuldig ná hy man kastreer, vermoor

2012-12-01 08:49

New York – 'n Model is Vrydag skuldig bevind aan moord nadat hy 'n Portugese TV-persoonlikheid in 'n hotelkamer in New York se Times Square vermoor het.

Die 23-jarige Renato Seabra het Carlos Castro glo verwurg, kastreer en vermink.

Castro se bebloede liggaam is in Januarie 2011 gevind. Die 65-jarige was ook 'n skrywer.

Aanklaers in Manhatten het gesê Seabra en Castro was 'n paartjie en die model het kwaad geword toe die skrywer hul verhouding beëindig het.

Seabra se regspan het aangevoer dat hy 'n geestesversteuring het.

Volgens sy prokureurs het Serebra geglo dat hy op 'n sending is om die duiwel van homoseksualiteit, wat binne Castro is, dood te maak.

Die 23-jarige kan lewenslank tronk toe gestuur word. Hy word op 21 Desember gevonnis.

Volg Nuus24 op Twitter.

- Sapa - AFP