Minstens 36 sterf toe bus omslaan
2010-08-30 03:31
Quito – Minstens 36 mense is dood en twaalf ander ernstig beseer toe ‘n bus by ‘n snelweg afgery en omgeslaan het, het beamptes in Ecuador gesê.
“Dit lyk asof die bestuurder aan die slaap geraak het,” het Juan Zapata, polisiewoordvoerder, gesê.
Die oorsaak van die ongeluk sal egter ondersoek word.
Volgens die polisie was Luis Mogrovejo, die busbestuurder, minstens sewe ure agter die stuurwiel toe die ongeluk plaasvind. Hy is ook tydens die voorval dood.
Silvia Zumba van die polisiedepartement in Latacunga sê die bus het vanaf Cuenca vertrek en sowat 30 passasiers vervoer.
Volg Nuus24 op Twitter.
- Sapa - AP