Min hoop vir rotsklimmers wat in see val

2012-08-09 08:56

Wellington – Die polisie in Nieu-Seeland sê daar is geen hoop dat twee tieners en 'n instrukteur lewend gevind gaan word nie, nadat hulle in die see geval het tydens 'n rotsklim-ekspedisie.

Reddingspanne soek tans na die lyke.

Joao Felipe Martins De Melo (17), Stephen Lewis Kahukaka-Gedye (17) en die instrukteur Bryce John Jourdain (42) word sedert Woensdag vermis, het inspekteur Frank Grant Donderdag by 'n nuuskonferensie in New Plymouth gesê. 

Nege studente en 'n ander instrukteur is Woensdag van die 154 m hoë Paritutu-krans buite New Plymouth aan die weskus van Nieu-Seeland se Noord-eiland gered.

Grant het gesê die ongeluk het gebeur toe drie studente in die see geval het en Jourdain agterna gespring het om hulle te probeer red.

Een student kon daarin slaag om aan die rotse vas te klou en is deur 'n helikopter gered. Die ander is nie weer gesien nie.

De Melo was 'n uitruilstudent van Brasilië het Grant gesê.

Volg Nuus24 op Twitter.


       

- Sapa-DPA