Miljoene pendelaars in Londen gestrand
2010-09-07 15:29
Londen - Miljoene pendelaars in Londen sukkel om te pad, spoorboot en fiets by die werk te kom, te midde 'n staking deur ondergrondse werkers hier, baie van die stad se ondergrondse stelsel lamlê.
Duisende onderhoudswerkers, drywers en stasiepersoneel staak vir 24 uur in 'n dispuut oor die beplande afskaling van personeel.
Die werkers meen veiligheid en dienslewering sal beïnvloed word.
Meer as 3,5 miljoen mense gebruik daagliks die ondergrondse trein, bekend as die Tube.
Transport for London het Dinsdag gesê sommige dienste word op ses van die stad se 11 ondergrondse lyne gelewer.
Die Rail, Maritime and Transport Union het gesê die staking geniet sterk ondersteuning en dat slegs 'n beperkte diens gelewer word.
Busse is vol gepak en duisende mense sal na verwagting gebruik maak van die ekstra bootdiens op die Teems-rivier.
Die staking sal na verwagting Dinsdag ten einde loop.
- AP