Miljoene Hindoes stroom na Ganges vir ritueel

2013-01-14 11:36

Allahabad, Indië – Miljoene Hindoes het in die heilige Ganges-rivier in Indië gebad in ‘n ritueel wat hulle glo hul sondes kan wegwas.

Maandag word geag as die mees gunstige dag van die Kumbh Mela-fees. Die fees duur 55 dae en is een van die wêreld se grootste godsdienssaamtrekke.

Die dag se betekenis is gebaseer op astrologiese tekens.

Mani Prasad Mishra, die hoofbeampte van die fees, sê byna drie miljoen mense het teen laatoggend reeds in die rivier gebad en 11 miljoen sal dit na verwagting teen die einde van die dag doen.

Hindoes glo as hulle tydens die fees in die Ganges bad sal hulle sondes weggewas word, en dat hulle sodoende bevry kan word van die siklus van dood en hergeboorte.

– Volg Nuus24 op Twitter

- Sapa - AP