Miljardêr skenk miljoene aan Central Park

2012-10-24 16:48

New York – 'n Miljardêr het Dinsdag 'n skenking van $100 miljoen (sowat R875 miljoen) aan New York se bekende Central Park geskenk.

Dit is die grootste skenking wat nóg aan die park gemaak is.

John Paulson, wat sy fortuin te danke het aan die Paulson & Company Incorporated se beleggingsfondse, het die bydrae aan die Central Park Conservancy aangekondig by die ikoniese Bethesda-fontein.

“Dit is vir my ‘n eer om ‘n bydrae aan die Central Park Conservancy te kan maak, wat een van die belangrikste kulturele bewaringsliggame in New York is,” het Paulson gesê.

“Die bewaringsliggame is verantwoordelik vir Central Park se volhoubaarheid.”

“Dit is my hoop dat vandag se bydrae sal help om ander te inspireer om saam my te staan sodat ons kan verseker dat Central Park nogsteeds die ondersteuning ontvang wat dit benodig om die stad se grootste bate te wees.”

“Mnr. Paulson se bydrae is die grootste geskenk wat die Central Park Conservancy nog ooit ontvag het,” het die bewaringsliggaam in ‘n verklaring gesê.

“Mnr. Paulson se bydrae kom op ‘n tyd wat Central Park sy grootste toerisme getalle nog het. Met meer as 40 miljoen besoekers jaarliks word Central Park meer besoek as enige ander kulturele instansie in New York.”

– Volg Nuus24 op Twitter

- AFP