Miljoene rande se heroïne in Aus gevind
2011-05-12 09:53
Sydney – Die Australiese polisie het twee Maleisiese mans in hegtenis geneem nadat beamptes 42 kg se heroïne gevind het.
Die beamptes het die dwelms binne ‘n vragskip wat meubels vervoer, by die Sydney-hawe gevind.
Volgens die polisie is die mans Donderdag daarvan aangekla dat hulle die dwelms ingevoer het.
Die heroïne het ‘n beraamde straatwaarde van Aus$49 miljoen (sowat R350 miljoen).
Doeane-beamptes wat die vragskip deursoek het, het die heroïne gevind wat in agt stukke meubels weggesteek is. Die skip het van Maleisië na Sydney, Australië, gevaar.
Die mans sal na verwagting Donderdag in ‘n hof in Sydney verskyn.
Volg Nuus24 op Twitter.
- Sapa - AP