Militante in berg doodgevries
2010-02-12 19:03
Kaboel – Die lyke van 20 Taliban-militante is in 'n berg in die noorde van Afganistan gevind, nadat hulle doodgevries het, het die polisie gesê.
Die lyke is in twee grotte in die Baghlan-provinsie gevind wat dik onder die sneeu bedek was, het Lal Mohammad Ahmadzai, polisiewoordvoerder, gesê.
Plofstowwe en wapens is ook gevind.
Volgens Ahmadzai is die militante aan hul klere uitgeken, en was hulle betrokke by verskeie aanvalle met regeringsmagte.
- Sapa-AFP