Mianmar: Vier sterf oor gasse in septiese tenk
2012-02-09 10:00
Yangon – Biogas uit ‘n septiese tenk, wat vir meer as ‘n dekade lank nie skoongemaak is nie, het die lewens van vier skoonmakers in die noorde van Mianmar geëis, het nuusberigte Donderdag gesê.
Vier van die ses skoonmakers is Dinsdag in Pwinthyu, 530 km noordwes van Yangon, aan versmoring dood as gevolg van die gasse wat uit die septiese tenk wat hulle skoongemaak het gekom het, het die New Light of Myanmar gerig.
Burgerlikes het die werkers uit die tenk gered en na ‘n nabygeleë hospitaal gehaas. Twee van die mans het die voorval oorleef.
Sterftes as gevolg van septiese tenke kom algemeen in Mianmar voor, aangesien openbare sanitasiedienste beperk is, het ‘n woordvoerder van die regering gesê.
– Volg Nuus24 op Twitter
- Sapa-DPA