Mexiko: Een sterf in aanval op koerant-hoofkwartier

2013-02-28 08:01

Piedras Negras, Mexiko – Een mens is dood en twee polisiebeamptes is gewond nadat gewapende mans vir die derde agtereenvolgende dag op 'n koerantgebou in die noordelike stad van Torrean losgebrand het, het die Mexikaanse owerhede gesê.

Aanklaers van die staat Coahuila het gesê die aanval op die kantore van El Siglo de Torreon het Woensdagmiddag plaasgevind.

Slegs ure vantevore het dié koerant 'n storie gepubliseer oor 'n voorval wat Dinsdag plaasgevind het waarin mans met outomatiese gewere minstens 30 skote na die koerant se hoofingang vanuit 'n motor gevuur het.

Verdagtes het Maandag ook op polisiebeamptes, wat die gebou bewaak, losgebrand.

Die koerant se kantore word sedert 2009 van tyd tot tyd deur gewapende mans aangeval.

Niemand is in die aanvalle voor Woensdag beseer nie.

Die koerant het ná die eerste aanval in 2009 besluit om alle ondersoekende joernalistiek te staak.

Volg Nuus24 op Twitter.

- AP