Merkel-teenstander se gewildheid neem af

2012-11-09 18:02

Berlyn – Angela Merkel, Duitse bondskanselier, se opponent vir volgende jaar se verkiesing se gewildheid het aansienlik afgeneem nadat onthul is dat hy miljoene gemaak het uit toesprake.

Volgens ‘n opname deur die ARD-televisiestasie lê Peer Steinbrueck, leier van die Sosiale demokrate (SPD), nou sesde op die gewildheidsranglyste.

Merkel, wat gaan poog om vir ‘n derde termyn verkies te word, is steeds bo-aan die gewildheidsranglys.

Steinbrueck, wat as minister van finansies onder Merkel gedien het tussen 2005 en 2009, het verlede maand aangekondig dat hy 1,25 miljoen euros (sowat R13,8 miljoen) gemaak het deur toesprake die afgelope drie jaar te gee.

Die opname het nog slegte nuus vir Peer Steinbrueck se party gehad nadat slegs 30% van die mense aangedui het dat hulle vir die SPD sal stem.

– Volg Nuus24 op Twitter


 

- Sapa - AFP