Merkel raai Israel aan om nie Iran aan te val

2012-08-31 21:54

Jerusalem – Angela Merkel, Duitsland se bondkanselier, het Israel se premier, Benjamin Netanyahu, aangemoedig om nie militêre aksie teen Iran te neem nie.

Volgens ‘n Israeliese koerant, Haaretz, het Merkel Netanyahu 10 dae terug gebel om haar teenstand teen die aanvalle uit te spreek.

Merkel het Netanyahu glo aangemoedig om eers tyd te gee sodat sankies hulle werk kan doen en het hom ook gewaarsku dat so ‘n aanval baie gevolge kan hê vir sekuriteit in die Midde-Ooste.

Netanyahu se woordvoerder het geweier om die bewerings van Merkel se oproep te bevestig.

Israel en sy hoof bondgenoot Amerika beskuldig Iran daarvan dat hulle kernwapens ontwikkel, maar Iran dring daarop aan dat sy kernprogram net vir burgerlike gebruik is.

Netanyahu het vir ‘n Amerikaanse kongreslid verlede Vrydag vertel dat Iran sy mikpunt om ‘n kern-arsenaal op te bou verspoedig het.

Merkel het glo ook gesê dat ‘n aanval erge gevolge vir die Europese Unie kan inhou. Sy het ook volgehou dat sanksies teen Iran eers genoeg tyd gegee moet word om hul tol te eis.

Netanyahu het Donderdag gesê hy gaan by die Verenigde Nasies se Algemene Vergadering in September die waarheid oor “Iran se regime van vrees” vertel.

– Volg Nuus24 op Twitter
 

- AFP