Mensehandel: Viëtnamese ma verkoop baba

2012-11-15 11:15

Hanoi – Die Chinese polisie het ‘n mensehandel-sindikaat in Viëtnam oopgevlek wat met plaaslike seuns handel dryf.

Altesaam 43 mense is in hegtenis geneem en 10 Viëtnamese babas is gered, het die polisie gesê.

Die 10 babas is tussen 10 dae en sewe maande oud.

Hulle word nou by ‘n kinderhuis versorg.

“Ons het al twee van die babas se moeders opgespoor. Een van die moeders word daarvan verdink dat sy haar baba verkoop het,” het ‘n beampte gesê.

Dit is nog nie duidelik wanneer die sindikaat begin funksioneer het nie. ‘n Ondersoek is van stapel gestuur om enige oorblywende slagoffers te vind en te red.

– Volg Nuus24 op Twitter
 

- Sapa-DPA