Meisie (13) vas vir dronkbestuur
2010-10-06 20:38
Redondo Beach, Kalifornië - ‘n 13-jarige meisie is in hegtenis geneem oor sy na bewering onder die invloed bestuur het en inhegtenisneming ontwyk het ná ‘n hoëspoed-jaagtog wat beëindig is toe sy ‘n ongeluk gemaak het.
Die meisie is vir kopbeserings behandel en in haar ouers se sorg vrygelaat.
Sers. Phil Keenan van die polisie in Redondo Beach, Kalifornië, het aan die Torrance Daily Breeze gesê die jaagtog het begin toe ‘n polisiebeampte met sy voertuig ‘n Ford Explorer, wat aan haar broer behoort het, genader het. Hy het gesê twee seuns en twee meisies het uitgeklim, waarop die 13-jarige meisie weggejaag het.
Volgens Keenan het die meisie byna verskeie ongelukke veroorsaak. Toe sy ‘n stadige motor probeer verbyvat het, het haar voertuig gerol en teen ‘n boom tot stilstand gekom.
Keenan sê die polisie glo die tieners het drank probeer steel toe hulle raakgesien is.
- Volg Nuus24 op Twitter
- SAPA