Meesterbrein agter Bali-tragedie glo dood
2010-03-09 15:04
Djakarta – Indonesiese teenterrorisme-magte het ’n man, wat na bewering die meesterbrein agter 2002 se bomaanvalle in Bali was, glo gedurende ’n klopjag in Djakarta doodgemaak, het die polisie gesê.
Die man was onder die drie slagoffers wat gedurende die afgelope twee klopjagte aan die buite wyke van die stad gesterf het.
Die polisie het nie die identiteite van die drie mans bekend gemaak nie, want forensiese ondersoeke is steeds onderweg.
Die polisie het egter aan AFP gesê die een man is na bewering Dulmatin,’n leier van die terreurgroep, Jemaah Islamiyah en ‘n opgeleide bomspesialis van Al-Kaïda.
Washington het al ’n losprys van $10 miljoen (R74 miljoen) vir hom aangebied.
Hy is egter al in 2008 as dood aangemeld, maar sy dood is nooit bevestig nie.
Ansyaad Mbai, die ministerie van sekuriteit se hoof van terrorisme het aan AFP gesê dat “indien dit waar is, sal ons baie dankbaar wees".