Meerderheid Amerikaners wíl dagga wettig

2012-11-30 09:07

Ottawa – Die meerderheid Amerikaners en Kanadese wil hê dat dagga gewettig moet word en sê dit moet vryelik beskikbaar wees vir diegene wat dit wil gebruik, het ‘n meningspeiling Donderdag getoon.

Die peiling deur die navorsingsmaatskappy Angus Reid, waarin 2 007 mense ondervra het, het getoon dat 57% van Kanadese en 54% van Amerikaners die wettiging van dagga ondersteun.

Die grootste ondersteuning kom van 18- tot 34-jariges in Amerika en 35- tot 54-jariges in Kanada.

Die peiling het ook getoon dat meer as twee derdes van Amerikaners en Kanadese verwag dat dagga binne die volgende 10 jaar gewettig sal word.

Vroeër die maand het Colorado die eerste staat in Amerika geword om ‘n voorstel goed te keur om dagga wettig te maak. Washington het later ook ‘n soortgelyke voorstel goedgekeur, terwyl Oregon dit verwerp het.

– Volg Nuus24 op Twitter
 

- Sapa - AFP