Man weier x-strale by dieretuin, sterf
2009-11-03 13:30
Berlyn – ‘n Duitse man wat sowat 230 kg geweeg het, het gesterf nadat hy geweier het dat dokters x-straalfoto's van hom by ‘n dieretuin laat neem.
Die Daily Bild-koerant het berig dat Thomas Lessmann te swaar was om x-straalfoto's by die hospitaal te laat neem. Dokters wou hom na ‘n dieretuin vat waar daar groter toerusting beskikbaar was.
Lessman (51) het glo siek geword en na ‘n kliniek in Eppendorf, naby Hamburg, gegaan. Die kliniek het hom na die Hagenbeck-dieretuin verwys.
Hy het egter geweier om só ‘n vernedering deur te maak en het 13 dae later gesterf. Die oorsaak van sy dood is nie bekend nie.
‘n Woordvoerder vir die kliniek het gesê dat Lessman dieselfde regte as enigiemand anders gehad het, maar dat hulle hom nie kon uithelp nie weens sy gewig.
–Sapa, AFP