Man wat wou trou betaal duur ná aanlyn-swendelary
2011-11-17 22:58
Kiev – ‘n Man van Arizona het hom lelik vasgeloop in ‘n
aanlyn-swendelary toe hy na die Oekraïne gereis het om sy aanstaande te ontmoet.
Cary Dolego (53) het haweloos in ‘n stad in
die weste van die Oekraïne opgeëindig en moes ‘n lening by die Amerikaanse
ambassade aangaan sodat hy kon terugkeer huis toe.
Welsynswerkers het Dolego, wat longontsteking
opgedoen het, tussen 'n klomp siek, Oekraïniese haweloses gevind.
Hy het sy aanstaande bruid, Yulia, op ‘n webwerf
vir enkellopendes ontmoet en ná ‘n paar e-poste tussen die twee 'verliefdes' het hy besluit om na die Oekraïne te reis.
Dolego,
wat verlede jaar aansoek gedoen het om as goewerneur van Arizona verkies te word,
het alles verkoop om sy reis na die Oekraïne te finansier.
Yulia het egter nooit vir hul geskeduleerde ontmoeting
opgedaag nie.
Hy het uiteindelik met ‘n vrou in kontak gekom
wat verduidelik het dat iemand haar rekening oorgeneem en namens haar e-poste
gestuur het.
Die vrou wou weens privaatsheidsredes nie haar volle naam gee nie.
Welsynswerkers vermoed egter dat Dolego nie
na Amerika wou terugkeer nie, andersins sou hy al lankal die Amerikaanse ambassade gevra
het vir hulp.
Dit wil voorkom asof hulle reg is, want Dolego
is vasbeslote om terug te keer na die Oekraïne.
“Die mense in die Oekraïne is ongelooflik
gasvry.
“Ek het ‘n spesiale dame nodig, ‘n Oekraïniese
dame, sodat ons saam ‘n lewe in die Oekraïne kan begin,” het gesê.
Volg Nuus24 op Twitter.
- Sapa - AP