Man wat vrou in slaap vermoor onskuldig
2009-11-20 19:24
Londen – ‘n Britse man wat gesê het dat hy sy vrou verwurg het terwyl hy ‘n nagmerrie gehad het oor ‘n worsteling met ‘n inbreker, is onskuldig bevind op ‘n aanklag van die moord op sy vrou.
Aanklaers het oorspronklik gevra dat Brian Thomas onskuldig bevind word op grond van tydelike waansin in die 2008 dood van sy vrou Christine en dat hy na ‘n psigiatriese hospitaal gestuur moet word.
“Dit is nou duidelik dat die psigiaters voel dat dit nie goeie ‘n doel sal dien nie en die risiko dat so iets weer gebeur is baie, baie klein,” het die hoof aanklaer, Iwan Jenkins, Vrydag gesê.
Thomas, wat van Suid-Wallis is, het aanvaar dat hy sy vrou van 40 jaar vermoor het.
Daar is aan die jurie gesê dat Thomas, 59, ‘n slaapstoornis gehad het en dat hy in ‘n toestand van outomatisme was, wat beteken sy brein het geen beheer oor sy liggaam gehad toe hy sy vrou doodgemaak het nie.
- Sapa-AP