Man wat vassit sterf in grot
2009-11-26 13:22
Salt Lake City, Utah – ‘n Man wat vir meer as ‘n dag in ‘n grot in Utah vasgekeer was, het gesterf.
Volgens owerhede het die 26-jarige John Jones vroeg Donderdag gesterf. Hy was glo 200m diep in ‘n grot bekend as Nutty Putty, ongeveer 130 km vanaf Salt Lake City, vasgekeer.
Volgens sers. Spencer Cannon, Utah se balju, was reddingswerkers nie in staat om Jones te bereik nie, en hy kon homself ook nie loswikkel nie.
Cannon het gesê Jones het later begin sukkel om asem te haal, en om by sy sinne te bly. Die oorsaak van Jones se dood sal eers bepaal kan word wanneer hulle sy liggaam verwyder.
Jones het in ‘n gat vasgesit van ongeveer 45 cm wyd en 25 cm hoog, met sy kop onder sy voete.
Ongeveer 50 reddingswerkers het probeer om Jones te bevry.
- Sapa-Ap