Man wat moord op FB aankondig kry lewenslank
2011-07-01 23:05
Sydney – ‘n Australiese man wat op Facebook aangekondig
het dat hy sy kind gaan vermoor, is ‘n lewenslange tronkstraf opgelê, berig Huffington Post.
“Oppad om my kind te vermoor,” het Ramazan
Acar (24) in November op Facebook gesê kort voor hy sy twee-jarige dogtertjie
doodgesteek het.
Hy het blykbaar heel aand boodskappe en sms’e
aan sy ex-lewensmaat, Rachelle D’Argent gestuur en gedreig om hul dogter,
Yazmimna, dood te maak.
Yazmima se pa het haar vroeër die dag
by haar ma opgetel en gesê hy vat haar winkels toe.
Hy het deurentyd met Rachelle via sms’e
gekommunikeer en op ‘n stadium vir haar gevra of hy met die kind moet
verongeluk en of hy haar moet doodsteek.
“Hoe voel dit vir ‘n slag om sonder jou kind
te wees? Ek het haar vir drie maande nie
gehad nie,” het hy blykbaar gesê.
“Ek is lief vir jou Rachelle,” het hy ook
ge-sms.
“Kyk net wat het jy my maak doen.”
Kliek hier vir die volledige storie.
Volg Nuus24 op Twitter.