Man vermoor baba oor sigarette
2009-10-20 13:46
Singapoer – Sallehan Allaudin, ‘n Singapoerse man wie sy 23 maande oue dogtertjie vermoor het omdat sy met sy sigarette gespeel het, se verhoor het begin.
Dié 26-jarige man het in ‘n oomblik van waansin sy dogter Nikie voor haar tweede verjaarsdag in Januarie doodgeslaan.
Indien Allaudin skuldig bevind word, kan hy gehang word.
Die hooggeregshof het Maandag gehoor dat Allaudin, wat saam met sy vrou by die huis aangekom het met ‘n present vir Nikie, rasend geword het toe hy sien die kleuter het al sy sigarette opgeskeur.
Hy het onskuldig gepleit.
Sy 24-jarige vrou Rozanah Mohamed Yusoff, het ‘n pop gebruik om aan die hof te beskryf hoe Allaudin hul dogter in die kombuis geskop en gestamp het.
Die paartjie, wat ook twee ander dogters het, het ‘n ambulans ontbied toe daar bloed uit Nikie se neus geloop het. Maar volgens ‘n verslag is sy weens haar beserings dood.
“Ek het nie in die kombuis gegaan en my man probeer stop nie, omdat ek gedink het dit sy manier was om Nikie 'n les te leer,” het Yusoff gesê.
- Sapa-AFP