Man vas vir manslag ná kinderoppasser sterf
2012-02-02 17:57
Ogden – ‘n Man van die Amerikaanse staat Utah word van manslag aangekla nadat sy kinderoppasser ‘n oordosis dwelms geneem en gesterf het.
Alexis Rasmussen se lyk is meer as ‘n maand nadat sy as vermis aangemeld is, in ‘n vlak graf gevind.
Huffington Post berig die verdagte in die saak, Eric Millerberg, word ook daarvan beskuldig dat hy seks met ‘n minderjarige gehad het, geregtigheid belemmer en die meisie geskend het.
Rasmussen het op 10 September 2011 die Millerbergs se kinders in hul huis in die noorde van Ogden opgepas. Sy het dieselfde aand verdwyn.
Die 16-jarige meisie se lyk is op 18 Oktober naby ‘n snelweg gevind nadat die polisie ‘n wenk opgevolg het.
Dee Smith, ‘n regsverteenwoordiger in die saak, sê Rasmussen het aan ‘n oordosis dwelms gesterf, maar het geweier om verder uit te brei.
Die aanklaers voer aan dat Millerberg tereg staan op manslag aangesien hy die dwelms aan Rasmussen verskaf het.
Lees meer hier
Volg Nuus24 op Twitter