Man vas oor 'rassistiese' Twitter-boodskap
2012-01-16 11:30
Glasgow – 'n Man is deur die polisie in Brittanje in hegtenis geneem oor bewerings van 'n rassistiese boodskap op Twitter wat op twee Rangers-sokkerspelers gemik is.
Die 41-jarige man is in aanhouding oor klagtes dat hy 'n rassistiese aanmerking oor die Rangers-verdediger Kyle Bartley en sy spanmaat Maurice Edu gemaak het.
"Dit is teleurstellend dat dié soort goed nog in 2012 gebeur. Hopelik sal die polisie aksie neem. Dankie vir al julle ondersteuning," het Bartley op sy Twitterblad geskryf.
"As dit is wat mense tweet, is dit hartseer," het Edu gesê.
Die inhoud van die man se tweet is nie bekend nie.
– Volg Nuus24 op Twitter
- AFP