Man vas nadat hy glo gif in sop gooi
2010-03-18 05:09
Londen – Die polisie het ‘n 58-jarige man vasgetrek wat daarvan verdink word dat hy probeer het om sop, wat by ‘n eksklusiewe Britse skool bedien is, te vergiftig
Volgens amptenare het niemand siek geword nie, maar die voorval word as ‘n ernstige oortreding beskou.
Die vergiftigde sop is by die Stowe Skool in Buckingham, sowat 75 km noordwes van Londen, gevind.
Ander werkers het ‘n ongewone chemiese reuk in die kombuis opgemerk waar die sop voorberei is.
Die Polisie het Woensdag geweier om die verdagte, wat aan spesifieke gesondheidsprobleme ly, te identifiseer. Hulle wou ook nie bekendmaak watter tipe gif glo gebruik is nie.
- Sapa-AP